'ಪ್ರೀತಿ'

ನಾನೊಂದು ತೀರ ನೀನೊಂದು ತೀರ
ಮನಸು ಮನಸು ದೂರ
ಪ್ರೀತಿ ಹೃದಯ ಭಾರ...

ಇದಕ್ಕೆ ನೀನೇ ಹೊಣೆ ಎಂದು ನಾ ದೂಷಿಸುತ್ತಿಲ್ಲ. ನಾವಿಬ್ಬರೂ ಹೊಣೆಗಾರರು. ನಮ್ಮ ಸ್ನೇಹ ಪ್ರೀತಿಯ ಕಡೆ ವಾಲುತ್ತಿದ್ದ ಅರಿವಿದ್ದರೂ ಸುಮ್ಮನಿದ್ದೆವು. ಅಲ್ಲೇ

ತಪ್ಪಾಯಿತು ನೋಡು. ಈಗ ಪ್ರಾಯಶ್ಚಿತ್ತವನ್ನು ಅನುಭವಿಸುತ್ತಿದ್ದೇವೆ.

'ಪ್ರೀತಿ'ಯ ವಿಷಯದಲ್ಲಿ ನಮ್ಮಿಬ್ಬರ ಮಧ್ಯೆ ಅಜಗಜಾಂತರ ವ್ಯತ್ಯಾಸವಿದ್ದರೂ ಯಾಕೆ ಹೀಗಾಯಿತು? ಪ್ರತಿಬಾರಿ ನಾವು ವಿಶ್ಲೇಷಿಸುತ್ತಿದ್ದ ಪ್ರೀತಿಯ ಸಂಕೊಲೆ

ಯಾಕೆ ನಮ್ಮಿಬ್ವರನ್ನೇ ಸುತ್ತಿಕೊಂಡಿತು? ನನ್ನ ಕಲ್ಪನೆಗಳಿಗಿಂತ ಮಿಗಿಲಾದ ನಿನ್ನ ಪ್ರೀತಿ ಕೆಲವು ಕ್ಷಣ ನನ್ನ ಮನಸ್ಸನ್ನು ಕೆಡಿಸಿದ್ದು ಸುಳ್ಳಲ್ಲ ಗೆಳೆಯಾ... ಆದರೆ

ಪ್ರೀತಿ ಆಕಸ್ಮಿಕವಾಗಬಾರದಲ್ಲ... ಅದು ಬರೀ ಗೆಳೆತನದ ಚೌಕಟ್ಟಿಗೆ ಮೀಸಲಾಗಬಾರದಲ್ಲ... ಅನ್ನುವ ಕಾರಣಕ್ಕೆ ನಾ ದೂರವಾದೆ... ಪ್ರೀತಿಯ ಬಗ್ಗೆ

ಅಪಾರ ಗೌರವದ ಅರಿವಿದೆ ನನಗೆ... ಆದರೆ ಅದನ್ನು ಗೌರವಿಸಲು ನನ್ನಿಂದ ಸಾಧ್ಯವಾಗುತ್ತಿಲ್ಲ. ಕ್ಷಮೆಯಿರಲಿ... ಪ್ರೀತಿಯೊಂದಿಗೆ ಗೆಳೆತನವನ್ನೂ ಧಿಕ್ಕರಿಸಿ

ನಿಂತಿದ್ದಕ್ಕೆ... ಬಾಳಹಾದಿಯಲ್ಲಿ ಮುಂದೆಂದಾದರೂ ಸಿಗುವುದಿದ್ದರೆ ಒಂದು ನಗು ಚೆಲ್ಲು ನಿನ್ನ ಬಾಳಸಂಗಾತಿಯೊಂದಿಗೆ...ಅಷ್ಟು ಸಾಕು...

ನಾನಂದುಕೊಂಡಿದ್ದೆ
ನೀನೇ ನನ್ನ ನೆಚ್ಚಿನ ಗೆಳತಿ
ಆದರೆ ನೀನೇಕಾದೆ
ನನ್ನ ಬಾಳಿನ ಸವತಿ

ಗೆಳೆಯ ಬರೆದ ಗೆಳತಿಯ ಕವನ
ಎನ್ನ ಮನದ ಖಾಲಿ ಪುಟದಿ
ಗೀಚಲಾರೆಯ ಒಲವಿನ ಕವನ...
ಬಿಡಿಸಬಾರದೆ ನಗು ಚಿತ್ತಾರ..
ಬಣ್ಣ ಬರೆದ ಮೇಲೆ ಸಹಿ ಹಾಕಲೇ ಬೇಕು
ದಾರ ಕಡಿದರೆ ಎಲ್ಲವೂ ಹಾರಿ ಹೋಗುವುದು
ಒಂದೇ ಒಂದು ಪದ ಗೀಚು ಬಾ
ಹೃದಯ ನೋವ ನೀಗು ಬಾ
ತೆರೆದೆ ಇರುವುದು ಎಂದೂ
ಬರೆಯದೆ ಬರಿದಾಗಿ
ನಿನ್ನ ಬರುವಿಕೆಗಾಗಿ
ಕಾಯುತ್ತಿರುವುದು ಕನಸ ಕೈಚೀಲದೊಳಗೆ...