ಗುಪ್ತ ಗಾಮಿನಿ ಹಾದಿ ಅಂತ್ಯ...

ಅಂತೂ ಗುಪ್ತಗಾಮಿನಿ ತನ್ನ 6 ವರ್ಷಗಳ ಸುದೀರ್ಘ ಪಯಣಕ್ಕೆ ಅಂತ್ಯ ಹಾಡಿದೆ. ಭಾವನಾ, ಸಾಗರ್, ಸಾಕ್ಷಿ, ಅಜ್ಜಿ, ಶಂಕರ್, ಕಶಿಶ್, ಇನ್ನು 6.30 ಕ್ಕೆ ನೇರವಾಗಿ ನಿಮ್ಮ ಮನೆಗೆ ಅಡಿಯಿಡುವುದಿಲ್ಲ. ಹೌದು...ಧಾರವಾಹಿಗಳ ಪಾತ್ರಧಾರಿಗಳನ್ನು ಅದೇ ಹೆಸರಿನಿಂದ ಕರೆಯುವಷ್ಟರ ಮಟ್ಟಿಗೆ ಆಪ್ತವಾಗಿತ್ತು ಈ ಗುಪ್ತಗಾಮಿನಿ ಎಂಬ ಧಾರವಾಹಿ. ನಿರ್ದೇಶಕಿ ಸಂಧ್ಯಾ. ಪೈ ಎಂದೋ ಈ ಕಥೆಯನ್ನು ಮುಗಿಸಿಬಿಡಬಹುದಿತ್ತು. ಅತಿರಥ ಮಹಾರಥರಾದ ಪವಿತ್ರಾ ಲೋಕೇಶ್, ಅಶೋಕ್,ರಾಜೇಶರನ್ನು ಕಳೆದುಕೊಂಡು ನಿರ್ಜಿವ ಸ್ಥಿತಿಯಲ್ಲಿದ್ದ ಧಾರವಾಹಿಗೆ ಜೀವತುಂಬಿ ಮತ್ತೆ 2 ವರ್ಷ ಓಡುವಂತೆ ಮಾಡಿದ ಕೀರ್ತಿ ಈ ನಿರ್ದೇಶಕಿಗೆ ಸಲ್ಲಬೇಕು. ಭಾವನಾ (ಸುಷ್ಮಾ ರಾವ್), ಅಜ್ಜಿ (ಸುಂದರಶ್ರೀ) ಗಾಯತ್ರಿ, ( ಜ್ಯೋತಿ ರೈ) ಸಾಗರ್, ಸಾಕ್ಷಿ ಪಾತ್ರಗಳು ಬದಲಾಗದೆ ಮೂಲನಟಿಯರಿಂದಲೇ ಅಭಿನಯಿಸಲ್ಪಟ್ಟಿದ್ದು ವಿಷೇಶ. ಸಂಜೆ 6.30 ಕ್ಕೆ ಎಲ್ಲಾ ಕೆಲಸ ಮುಗಿಸಿ ಟಿವಿ ಮುಂದೆ ಹಾಜರಾಗುತ್ತಿದ್ದ ಮಂದಿಗೆ ಗುಪ್ತಗಾಮಿನಿ ದಿಢೀರ್ ನೆ ಮುಕ್ತಾಯ ಕಂಡಿದ್ದು ಅರಗಿಸಿಕೊಳ್ಳಲು ಸ್ವಲ್ಪ ಕಷ್ಟವೇ... ತನ್ನ ವಿಶಿಷ್ಟ ಪ್ರಕಾರ ಅಭಿವ್ಯಕ್ತಿಗಳಿಂದಾಗಿ ಮನೆಮಾತಾಗಿದ್ದ ಧಾರವಾಹಿಯನ್ನ ವೀಕ್ಷಕರು ಮಿಸ್ ಮಾಡಿಕೊಳ್ತಿರೋದಂತೂ ನಿಜ...